სომხეთის ჯანდაცვის სამინისტროს პრესმდივანმა, ალინა ნიკოღოსიანმა განაცხადა, რომ ყარაბაღის მეორე ომში 27 სექტემბრიდან 9 ნოემბრის ცათვლით დადსტურებულია 2317 სომეხი ჯარისკაცის გარდაცვალების ფაქტი. ამის შესახებ სტატია გამაოქვეყნა რუსულმა გამოცემა რია ნოვოსტმა.

„ჩვენმა სასამართლო-სამედიცინო სამსახურმა 2317 გარდაცვლილი სამხედროს სხეულს ჩაუტარა ექსპერტიზა, რომელთა შორის დაუდგენელი ცხედრებიცაა. მტრის პოზიციებზე ამ დრომდე რჩება ასეულობით გარდაცვლილი სამხედრო მოსამსახურეთა სხეული, რომელთა სომხური მხარისთვის გადაცემის პროცესი ახლახან დაიწყო, სწორედ ამიტომ ამ ეტაპზე ჯერ უცნობია რეალური მონაცემები დანაკარგის შესახებ“ - განაცხადა ნიკოღოსიანმა .

თვითგამოცხადებული მთიანი ყარაბაღის ე.წ პრეზიდენტის, არაიკ არუთუნიანის თქმით, ქალაქი შუშას შემოგარენიდან უკვე გაიტანეს 150-მდე სომეხი ჯარისკაცის ცხედარი. მისი განცხადებით, ჯერ კიდევ ასობით გარდაცვლილის სხეული ბრძოლის ველზე რჩება.

„მიუხედავად იმისა, რომ სამშობლოს ნაწილი და ათასობით ადამიანი გადავარჩინეთ, ცოცხალი ძალასა და არცახის ტერიტორიათა დათმობით უდიდესი დანაკარგი მივიღეთ“- აღნიშნა არუთუნიანმა.

სომხეთის პრემიერ-მინისტრმა ნიკოლ ფაშინიანმა აღნიშნა, რომ საომარი მოქმედებების განმავლობაში ასობით სომეხი ჯარისკაცია უგზოუკვლოდ დაკარგული- „ რაოდენობა ჩვენთვის ცნობილია, თუმცა კონკრეტულ მონაცემებზე ვერ ვისაუბრებ. ჩვენდა საუბედუროდ, რამდენიმე ასეული ჯარისკაცი ითვლება დაკარგულად. იმედი გვაქ, რომ მათ ცოცხლებს ვიპოვით“ - აღნიშნა ფაშინიანმა.