ბრიტანელი მეცნიერების მიერ ჩატარებული უახლესი კვლევების თანახმად დგინდება, რომ იმ ახალგაზრდა და წარსულში ჯანმრთელ ადამიანებს, რომელთაც კოვიდ 19-ის სიმპტომები ინფიცირებიდან 4 თვის შემდეგაც უფიქსირდებათ, აღენიშნებათ ჯანმრთელობის და სასიცოცხლო ორგანოების სერიოზული დაზიანებები. ამის შესახებ სტატიას აქვეყნებს GUARDIAN-ი.

დადგინდა, რომ ე.წ გრძელვადიანი კორონავირუსი 60 000-ზე მეტ ბრიტანელს აწუხებს, რომლის დროსაც მთავარ ნიშნებს წარმოადგენს დაღლილობა, პრობლემები მეხსიერებასთან დაკავშირებით, ქოშინი-გართულებული სუნთქვა და ტკივილი. თითოეულ მათგანს გადატანილი აქვს უკვე და აღარ უფიქსირდებათ კოვიდ 19-ის ინფექცია, თუმცა ზემოხსენებულმა ვირუსმა მათ ჯანმრთელობას ძლიერი კვალი დაატყო, რომელიც ნეგატიური მიმდინარეობით დღემდე იჩენს თავს.

კვლევებში მონაწილე 200 პაციენტს, რომლებმაც კოვიდ 19 დაამარცხეს, დაავადებიდან 4 თვის შემდეგ აღენიშნებოდათ ჯანმრთელობის პრობლემები ორგანიზმის ისეთ ორგანოებში, როგორებიცაა ღვიძლი, გული, ფილტვები და პანკრეასი. მეცნიერთა თქმით, გაუარესება სასიცოცხლო ორგანოების გამართულად ფუნქციონირების მსუბუქია, თუმცა ცალკეულ შემთხვევებში არის კრიტიკული მომენტებიც.