ას ადამიანზე მეტი დააკავეს მინსკის ცენტრში, სადაც ოპოზიციამ ქუჩის პროტესტების დროს დაღუპული ხსოვნის აღსანიშნავი აქცია მოაწყო. აქციის მონაწილეები აცხადებენ, რომ ხალხის დასაშლელად პოლიციამ და სპეცრაზმმა ცრემლსადენი გაზი და ხმოვან-მანათობელი ყუმბარები გამოიყენა. აქციის მონაწილეები ცდილობდნენ 12 აგვისტოს დაღუპული ალექსანდრე ტარაიკოვსკის მემორიალი აღედგინათ, ხოლო შემდეგ აპირებდნენ ე.წ. "ცვლილებების მოედანზე 12 ნოემბერს პოლიციის მიერ ცემით მოკლული რომან ბონდარენკოს ხსოვბისთვის მიეგოთ პატივი, თუმცა, სამართალდამცავებმა მათ ამის საშუალება არ მიცეს და ხალხის დარბევა შექრების ადგილზევე დაიწყეს.