მსოფლიოში კორონავირუსის გავრცელება ყოველდღიურად შემაშფოთებელ მასშტაბებს იპყრობს, თუმცა ყველასათვის მოულოდნელად, ინდოეთი აღმოჩნდა ის სახელმწიფო, სადაც კოვიდ 19-ის მართვა და დასტაბილურება ყველაზე უკეთ შეძლეს იმ ქვეყნებს შორის, სადაც ინფიცირებულთა რაოდენობა უკვე რამდენიმე მილიონს შეადგენს.

მიუხედავად იმისა, რომ ინდოეთი აშშ-ს შემდეგ რიგით მეორე ყველაზე დაზარალებული სახელმწიფოა კოვიდ 19-ისგან, აქ ყველაზე მეტი ადამიანია გამოჯანმრთელებული და სტატისტიკური მონაცემების თანახმად, 8 729 190 დაავადებულიდან 8 115 580-მა ადამიანმა დაამარცხა კორონავირუსი. მსოფლიოში სულ გამოჯარნრთელებულთა პროცენტულ მაჩვენებელში ინდოეთის ხვერდრითი წილი შეადგენს 21 %-ზე მეტს.

ეპიდემიოლოგებისა და მეცნიერების აზრით, აღნიშული ფაქტი აიხსნება იმით, რომ ინდოეთმა დიდი სამუშაოები გასწია წლის დასაწყისიდან აღნიშული ვირუსის გავრცელების შესაკავებლად-მოეწყო ასზე მეტი საველე საავადმყოფო, აქტიურად მიმდინარეობდა ბოლო კურსებზე მყოფი სამედიცინო სტუდენტების გადამზადების სწრაფი პროგრამები და აგრეთვე დაჩქარებული წესით დაიწყო ლაბორატორიული კვლევები ვირუსის შესასწავლად, რომელთან გამკლავება დღეს ინდოეთის ჯანდაცვის სამინისტროსთვის გაცილებით მარტივია ვიდრე ეს ევროპისა და აშშ-ს შემთხვევაშია.

კოვიდ 19-ის გავრცელების შედეგად ინდოეთში 128 000 ადამიანი გარდაიცვალა, ხოლო ამ დრომდე აქტიურ მკურნალობას 484 888 პაციენტი გადის, რომელთაგან 8900 კრიტიკულ მდგომარეობაში იმყოფება.