მას შემდეგ, რაც აფრიკელი მიგრანტებით დატვირთული მცირე ზომის ნავი, კანჯო ხმელთაშუა ზღვაში ამოყირავდა, მაშველებმა რამდენიმე ადამიანი გადაარჩინეს და სამაშველო კატერზე აიყვანეს- მათ შორის აღმოჩნდა ერთ-ერთი ფერადკანიანი ქალი, რომელმაც განაცხადა, რომ კანჯოდან გადავარდნის მომენტში დაკარგა თავისი 6 თვის ბიჭი.

სოციალურ მედიაში გავრცელდა კადრები, თუ როგორ მოთქვამს და ტირის გვინეელი ქალი- „ არ გინახავთ ჩემი შვილი? ბავშვი დავკარგე! რატომ მე? სად არის ჩემი შვილი“.

აღნიშნული ქალის შვილი, ჯოზეფი, ესპანელმა მაშველებმა ამოიყვანეს ტალღებიდან- როგორც გაირკვა ახალშობილს გული გაუჩერდა. ჩვილი იმ 5 მიგრანტს შორის ერთ-ერთია, რომლებიც დაიღუპნენ პატარა ნავის ამოყირავების შედეგად, რომელშიც 116 ადამიანი იყო თავმოყრილი. კანჯო ოთხშაბათს დილით გავიდა ლიბიიდან.