სომეხი მოქალაქეები მთიან ყარაბაღს ტოვებენ და თავიანთ სახლებს წვავენ, რათა აზერბაიჯანულ არმიას საცხოვრებლად ვარგისი შენობები არ დახვდეთ.

„თუ ჩემი შვილები ვერ გამოიყენებენ ამ სახლს, ვერც ვერავინ შეძლებს მათით სარგებლობას“. სომეხმა მოქალაქეებმა კელბაჯარის რაიონში სახლები დაწვეს, რათა იგი აზერბაიჯანელებს არ გადაეცეს“ - ტვიტერის საკუთარ გვერდზე წერს BBC-ის ჟურნალისტი.

აზერბაიჯან-სომხეთსა და რუსეთს შორის ყარაბაღის ომის შეწყვეტასთან დაკავშირებით ხელმოწერილი შეთანხმების საფუძველზე, სომეხმა მოსახლეობამ კელბაჯარი 15 ნოემბრამდე სრულად უნდა დატოვოს, რომლის შემდეგაც აქ აზერბაიჯანული საჯარისო ნაწილები შევლენ.

გავრცელებული ინფორმაციით, სომხური მოსახლეობა სახლების გარდა ყველაფერს წვავს რისი წაღებასაც ვერ ახერხებს.

შეგახსენებთ, რომ 10 ნოემბერს ყარაბაღში ცეცხლის შეწყვეტის შეთანხმებას ხელი მოეწერა, რომლის საფუძველზეც ნახევარ მილიონამდე აზერბაიჯანელი დაბრუნდება ყარაბაღში, აგრეთვე 7 ოკუპირებული რაიონი გათავისუფლდება და მათზე კონტროლს დაამყარებს ოფიციალურ ბაქო, ხოლო უშუალოდ მთიანი ყარაბაღის ტერიტორიიდან აზერბაიჯანელთა კონტროლქვეშ გადადის ჰადრუტი და ქალაქი შუშა, მიმდებარედ არსებული სოფლებითა და სიმაღლეებით.