უკრაინის პრეზიდენტის, ვოლოდიმირ ზელენსკის მდგომარეობა კორონავირუსის ფონზე დამძიმდა და იგი საავადმყოფოში გადაიყვანეს. ადგილობრივი მედიის ინფორმაციით, ზელენსკი კიევში, „კლინიკა ფეოფანიაში“ გადის მკურნალობის აქტიურ კურს. როგორც ირკვევა, იგი იზოლირებულ პალატაში იმყოფება.

როგორც ჟურნალისტები აცხადებენ, კოვიდ 19 უკრაინის პრეზიდენტს მისი ადმინისტრაციის ხელმძღვანელისგან, ანდრეი ერმაკისგან გადაედო, რომელიც ზემოხსენებულ საავადმყოფოში პრეზიდენტთან ერთად იმყოფება.

შეგახსენებთ, რომ უკრაინაში კორონავირუსით ინფიცირების შემთხვევათა რაოდენობა 500 000-ს გაცდა, რომელთაგან 9000-ზე მეტი ადამიანი ინფექციისგან დაიღუპა, ხოლო 227 000 გამოჯანმრთელდა. მკურნალობის ქვეშ ამ დრომდე რჩება 264 026 პაციენტი.