სომხეთის მმართველმა პარტიამ, „ჩემი ნაბიჯი“ ოპოზიციას მოუწოდა რომ წარმოადგინონ მათი გეგმა თუ როგორ უნდა მოხდეს მიღწეული ცეცხლის შეწყვეტის ურთიერთშეთანხმების ანულირება, ყარაბაღის ომის გაგრძელება. მმართველი გუნდი აგრეთვე აღნიშნავს, რომ ოპოზიციურმა პარტიებმა პოტენციურ საბრძოლო მოქმედებებში გამარჯვების მოპოვების გეგმაც უნდა წარმოადგინონ.

„თუ ვინმეს სურს, რომ ცეცხლის შეწყვეტის შეთანხმების გაუქმებაზე იფიქროს, იმსჯელოს, მოვუწოდებთ გვითხრან, რომ ისინი მთიან ყარაბაღში რუსეთის შუამავლობის გაუქმებას, ფრონტის ხაზიდან რუსი სამშვიდობოების გაყვანას და ომის გაგრძელებას უჭერენ მხარს. მათ აგრეთვე უნდა წარმოგვიდგინონ გეგმა, რომელიც ომის განახლების შემთხვევაში გამარჯვებისთვის იქნება სრულიად საკმარისი“ - აცხადებენ პარტიაში.

მთავრობაში აღნიშნავენ, რომ ეს მიღწეული შეთანხმება იყო იდეალური გამოსავალი შექმნილი უმძიმესი რეალობიდან, რადგან წინააღმდეგ შემთხვევაში მთიანი ყარაბაღი სრულად აზერბაიჯანის დაქვემდებარებაში აღმოჩნდებოდა, რასაც შეიძლება გამოეწვია ათასობით ადამიანის მსხვერპლი.

შეგახსენებთ, რომ ცეცხლის შეწყვეტის შეთანხმება რუსეთს, აზერბაიჯანსა და სომხეთის ლიდერებს შორის 10 ნოემბერს გაფორმდა, რომლის შემდეგადაც ორივე დაპირისპირებული მხარე შეთანხმდა წარმოდგენილ პირობებზე, მათ შორის ყარაბაღში რუსი სამშვიდობო-სამხედრო ძალების განალგებაზე.