ერევანში დემონსტრანტებმა სომხეთის მოქმედ პრემიერ-მინისტრს, ნიკოლ ფაშინიანს, რომელმაც აზერბაიჯანთან ყარაბაღში ცეცხლის შეწყვეტასთან დაკავშირებით ხელშეკრულება გააფორმა, ულტიმატუმი წაუყენა გადადგომასთან დაკავშირებით. მომიტინგეებმა ფაშინიანს გადადგომისთვის დრო შუაღამემდე მისცეს.

დემონსტრანტები ამ დრომდე იმყოფებიან პარლამენტის მიმდებარე ტერიტორიაზე ქუჩებში და ხმამაღლა სკანდირებენ - „ნიკოლი მოღალატეა“.

სომხური მოხალისეთა რაზმის, არაბოს ხელმძღვანელმა, მანველ ეგიაზარიანმა მოუწოდა პარლამენტარებს, მივიდნენ ქვეყნის საკანონმდებლო ორგანოსთან და ერთობლივად დაიწყონ ფაშინიანის გაფორმებული „კაპიტულაციური“ შეთანხმების დერატიფიკაციის პროცესი.