მოზამბიკში ISIS-ის ტერორისტულ დაჯგუფებასთან დაკავშირებულმა მებრძოლებმა კაბო დელგადოს პროვინციაში 50-მდე ადამიანს თავი მოჰკვეთეს- ამის შესახებ ინფორმაციას ადგილობრივი მედიაც ადასტურებს. ექსტრემისტებმა ცხედრები ზემოხსენებულ ტერიტორიაზე, ფეხბურთის მოედანზე დაანაწევრეს, ხოლო გაურკვეველი რაოდენობის ხალხს კი ახლომდებარე სოფლებში თავები მოაჭრეს.

სამართალდამცავთა განცხადებით, ექსტრემისტების მიერ მოხდა ბავშვებისა და ქალების გატაცება , აგრეთვე დაწვეს ადგილობრივთა სახლები მიუდუმბესა და მაკომიაში.

ექსტრემისტებმა ნავთობით მდიდარ პროვინციაში 2017 წლიდან დღემდე 2000-მდე ადამიანი მოკლეს, ხოლო აღნიშნული პროცესების ფონზე 430 000-მა ადამიანმა თავისი საცხოვრებელი ზონა დატოვა.