აზერბაიჯანის პრეზიდენტი, ილჰამ ალიევი აცხადებს, რომ მთიან ყარაბაღში რუსებთან ერთად თურქი სამხედროებიც განლაგდებიან და უზრუნველყოფენ რეგიონის უსაფრთხოებას.

„თურქი სამხედროები რუსებთან ერთად მთიან ყარაბაღის სამშვიდობო ცენტრი განლაგდებიან, ჩვენ ვქმნით ურთიერთობის სრულიად ახალ ფორმატს არა მხოლოდ კონფლიქტის დარეგულირებისთვის, არამედ სამომავლო ურთიერთთანამშრომლობისთვის“- განაცხადა ალიევმა. მისი თქმით, ორივე ქვეყნის მშვიდობისმყოფელი სამხედროები ყარაბაღში რუსეთის ფედერაციას, სომხეთსა და აზერბაიჯანს შორის ხელმოწერის ცეცხლის შეწყვეტის შეთანხმების ფონზე განთავსდებიან. ალიევი აცხადებს, რომ შეთანხმების მეხუთე პუნქტის საფუძველზე შეიქმნება სამშვიდობო ცენტრი, რომელშიც რუსი და თურქი სამხედროები კოორდინირებულად იმოქმედებენ.

ალიევი აღნიშნავს, რომ თურქეთი უმნიშვნელოვანეს როლს შეასრულებს ცეცხლის შეწყვეტის შეთანხმების კონტროლის უზრუნველყოფაში.