აზერბაიჯანის თავდაცვის სამინისტრო თავისი უწყების ოფიციალურ გვერდზე აქვეყნებს გათავისუფლებული ქალაქი შუშის პირველ კადრებს. ვიდეოში ჩანს ქალაქი შუშის ადმინისტრაციულ შენობაზე აფრიალებული აზერბაიჯანის დროშა, რის ფონზეც სამხედროები მიმართავენ პრეზიდენტ ილჰამ ალიევს და ულოცავენ ქალაქის გათავისუფლებას ოკუპაციისგან.

გავრცელებული ინფორმაციით, სომხური შენაერთები ამ დრომდე ცდილობენ კონტრიერიშით ქალაქში შესვლას და დასახლებულ პუნქტზე კონტროლის დამყარებას. ბრძოლაში აქტიურადაა ჩართული სომხური მძიმე ტექნიკა და სპეცდანიშნულების რაზმები. გავრცელებული ინფორმაციით, სომხურმა შენაერთებმა ქალაქი ჯერ კიდევ გუშინ, მას შემდეგ რაც შეიქმნა ალყის საფრთხე, დატოვეს და სტეფანაკერტის მიმართულებით უკან დაიხიეს.