საქართველოში გაყალბებული არჩევნების გასაპროტესტებლად გამოსული მოქალაქეების დარბევისა და პოლიციელთა მხრიდან ძალის გადამეტების ფაქტს ეხმაურა ამერიკული გავლენიანი მედია , BLOOMBERG-ი.

სტატიაში აღნიშნულია, რომ სპეცრაზმმა მოქალაქეთა მშვიდობიანი მიტინგი ცენტრალური საარჩევნო კომისიის წინ წყლის ჭავლის გამოყენებით დაშალა. აქვე ხაზგასმულია, რომ აქციის მონაწილეებმა დაგმეს გასულ თვეს ჩატარებული არჩევნების შედეგები, რომელსაც გაყალბებულს უწოდებენ და მოითხოვეს ცენტრალური საარჩევნო კომისიი თავმჯდომარის, თამარ ჟვანიას გადადგომა.

პოლიციელთა მოქმედების შედეგად დაშავდა ათეულობით ადამიანი, დაფიქსირდა ჟურნალისტების მისამართით წყლის ჭავლით თავდასხმისა და პროფესიული საქმიანობის განხორციელების ხელშეშლის ფაქტიც.