ყარაბაღში საბრძოლო მოქმედებები ამ დრომდე აქტიურად მიმდინარებს- გავრცელებული ინფორმაციით, ქალაქ შუშაში საბრძოლო მოქმედებები არ ცხრება. რუსი და დასავლური სამხედრო ექსპერტები, ადგილზე მომუშავე მედიის წარმომადგენელთა წარმოდგენილი ფაქტების საფუძველზე აცხადებენ, რომ სომხური მხარე კონტრშეტევაზეა გადასული და მძიმე ტექნიკის ინტენსიური გამოყენებით ცდილობს ქალაქ შუშაზე კონტროლის აღდგენას. როგორც მედიისთვის ხდება ცნობილი, ქალაქის სასტიკი ბრძოლები ჯერ კიდევ გუშინ დაიწყო და ამ მომენტამდე მიმდინარეობს.

აზერბაიჯანის თავდაცვის სამინისტრო თავის მხრივ აცხადებს, რომ სრულად აკონტროლებენ ქალაქის ყველა შესასვლელსა და გამოსასვლელს. ე.წ მთიანი ყარაბაღის მთავრობის ხელმძღვანელი აღნიშნავს, რომ ბრძოლები მიმდიანარეობს, თუმცა ქალაქს სწორედ ისინი აკონტროლებენ.

აზერბაიჯანის თავდაცვის უწყებამ საკუთარ ვებ-გვერდზე გამოაქვეყნა უპილოტო საფრენი აპარატებისა და სამხედრო, პილოტირებადი ავიაციის მოქმედების შედეგად სომეხ ჯარისკაცთა პოზიციების დაბომბვის კადრები. ვიდეოზე ასახულია თუ როგორ იბომბება ნაღმტყორცნების პოზიციები, რომლის დროსაც იერიშში მოყვნენ ჯარისკაცები, აგრეთვე ასახულია სომხური ტ-72-ის განადგურების მომენტიც.

აზერბაიჯანის თავდაცვის სამინისტრო აგრეთვე აღნიშნავს, რომ ქალაქ შუშაში უკვე დაღუპულია 800-მდე სომეხი ჯარისკაცი, ისინი მზად არიან, გვამები გადასცენ მოწინააღმდეგე მხარის სამხედრო ხელმძღვანელობას.