რუსეთში, ვორონეჟის სამხედრო აეროდრომზე სამხედრო პირმა 3 ადამიანი მოკლა, რის შემდეგადაც საბრძოლო ნაწილის ტერიტორიაზე შეიჭრა. ამის შესახებ ინფორმაციას რუსული მედია, TASS აქვეყნებს.

„ სამხედრო მოსამსახურემ დაიწყო სროლა, ცეცხლსასროლი პისტოლეტიდან, რომელიც მან ერთ-ერთ ოფიცერს წაართვა. მოკლულია სამი ადამიანი. დაღუპულთა შორის 2 ოფიცერთან ერთად ერთი წვევამდელი ჯარისკაცია“- ნათქვამია თავდაცვის სამინისტროს განცხადებაში.

რუსული მედია აცხადებს, რომ მკვლელი სამხედრო მოსამსახურე ამ დრომდე შენობაშია გამაგრებული და იგი დანებებას არ აპირებს. შინაგან საქმეთა სამინისტროს განცხადებით, ისინი შტურმისა და ბოროტმოქმედის განიარაღებისთვის ემზადებიან.