აშშ-ში საპრეზიდენტო არჩევნების ხმის დათვლის პროცესი დასასრულს უახლოვდება. გავრცელებული ინფორმაციით, დონალდ ტრამპი რესპუბლიკელ ამომრჩეველთა ძირძველ შტატში, ჯორჯიაშიც მარცხდება და ამ მაჩვენებლით უკვე დადასტურებულად შესაძლოა ითქვას, რომ გაიმარჯვებს ჯო ბაიდენი, რომელიც აღნიშნული ტენდენციის შენარჩუნების შემთხვევაში მოიგებს ნევადის შტატსაც და საერთო ჯამში დააგროვებს 286 ხმას საარჩევნო კოლეგიაში, ხოლო დონალდ ტრამპის სასარგებლო ხმათა რაოდენობა ჯამურად იქნება 249.

თავის მხრივ, აშშ-ს მოქმედი პრეზიდენტი აცხადებს, რომ საპრეზიდენტო არჩევნების ბედი უზენაესმა სასამართლომ უნდა გადაწყვიტოს.

„კანონიერი ხმების გათვალისწინებით, მე იოლად ვიმარჯვებ საპრეზიდენტო არჩევნებში. დამკვირვებლებს თავიანთი სამუშაოს განხორციელების საშუალება არ მისცეს, რის გამოც ამ პერიოდში მიღებული ხმები არაკანონიერად უნდა გამოცხადდეს“ - დაწერა ტვიტერზე დონალდ ტრამპმა.