მესმის, პოლიტიკური პროცესი მნიშვნელოვანია, მაგრამ ადამიანის სიცოცხლისა და ჯანმრთელობის უფლება უპირველესია

მესმის, პოლიტიკური პროცესი მნიშვნელოვანია, მაგრამ ადამიანის სიცოცხლისა და ჯანმრთელობის უფლება უპირველესია - ამირან გამყრელიძე

COVID-19 - 16:04, 05 Nov, 2020

1207

დაავადებათა კონტროლის ეროვნული ცენტრის ხელმძღვანელის ამირან გამყრელიძის თქმით, პოლიტიკურ პროცესებთან დაკავშირებული აქციები მნიშვნელოვანია, თუმცა უფრო მეტად მნიშვნელოვანი ადამიანის ჯანმრთელობაა. გამყრელიძე მოუწოდებს ადამიანებს, რომ გაუფრთხილდნენ პირველ რიგში საკუთარ და შემდეგ სხვების ჯანმრთელობას:

"მესმის, რომ ქვეყანაში პოლიტიკური პროცესი მიდის და ძალიან მნიშვნელოვანია. ძალიან მნიშვნელოვანი არჩევნები ჩატარდა, მეორე ტურები იქნება, მაგრამ თხოვნა და მოწოდებაა თითოეული ადამიანისადმი, ვინც დღეს ამ პოლიტიკურ პროცესბში ჩართულნი არიან, ადამიანის უფლებებიდან უპირველესი არის სიცოცხლის და ჯანმრთელობის უფლება, ამიტომ ყველამ გავუწიოთ ამას ანგარიში.

თითოეული სიკვდილი ტრაგედიაა. ჯერჯერობით გარდაცვლილთა პროცენტული შეფარდებითი მაჩვენებელი არ არის მაღალი, მაგრამ თითოუელი გარდაცვალება არის ტრაგედია გარდაცლილთა ოჯახისთვის. ამიტომ ეს მაჩვენებელი გვეზრდება ქვეყანაში და გაიზრდება. გაიზრდება ინფიცირებულებთან მიმართებაში და ამიტომ თითოეული დამატებული ახალი ინფექცია არის გართულების რისკი, განსაკუთრებით ხანდაზმულ ასაკში და ადამიანებში, ვისაც ქრონიკული დაავადებები აქვს", - განაცხადა გამყრელიძემ.

შეგახსენებთ, რომ 31 ოქტომბრის საპარლამენტო არჩევნების შედეგების გამოცხადების შემდეგ საზოგადოება ქუჩაში გამოვიდა და პერმანენტული აქციებით ხმების მიტაცებას აპროტესტებს.