„ევროკავშირი მზადაა ასოცირების შესახებ შეთანხმებისთვის მზადება განაახლოს, როგორც კი უკრაინა ამისთვის მზად იქნება. ეს უნდა მოხდეს იმ მოქალაქეთა საკეთილდღეოდ, რომელთაც ბოლო დღეებში აჩვენეს და დაამტკიცეს, რომ მათ მშვენივრად ესმით და აცნობიერებენ ევროპასთან ასოცირების ისტორიული მნიშვნელობა“, - განაცხადა ევროკომისარმა სტეფან ფულემ ვილნიუსში სამოქალაქო საზოგადოების კონფერენციაზე ხუთშაბათს.

მისი თქმით, ეს იყო უნიკალური შესაძლებლობა კიევისთვის წინ აღდგომოდა უცხოური ინვესტიციების კლების ტენდენციას. „ასოცირებაზე შეთანხმება უკრაინას ინვესტიციების ახალ წყაროსა და შესაძლებლობებს მოუტანდა“, - ხაზი გაუსვა ფულემ.

ფულე აცხადებს, რომ უკრაინას არავინ აიძულებს არჩევანი გააკეთოს რუსეთის ფედერაციასა და ევროკავშირს შორის.