ქართული ოცნებიდან ამბროლაურის, ონის, ცაგერის, ლენტეხისა და მესტიის მაჟორიტარობის კანდიდატს გოჩა ენუქიძეს კორონავირუსი დაუდასტურდა.

აღნიშნულ ინფორმაციას სოციალურ სქელში, "Facebook"-ის პირად გვერდზე, ავრცელებს და წერს,რომ საჯარო აქტივობებს წყვეტს და ელოდება ღირსეულ გამარჯვებას.

"მოგახსენებთ, დამიდასტურდა COVID-19, რის გამოც იძულებული ვარ, საჯარო სივრციდან გადავინაცვლო თვითიზოლაციაში.

განსაკუთრებით ბოდიში მინდა მოვუხადო ლეჩხუმლებს, ვინაიდან სწორედ მათთან ერთად უნდა დამესრულებინა ჩემი წინასაარჩევნო კამპანია.
მეგობრებო, თავს კარგად ვგრძნობ და თქვენთან ერთად ველოდები ღირსეულ გამარჯვებას.

წინ უფრო დიდი გამოწვევებია, რომელსაც ასევე ღირსეულად ვუპასუხებთ.
დიდი მადლობა მხარდაჭერისთვის და გისურვებთ
ჯანმრთელობას!" - წერს ენუქიძე.