აშშ-ში ფართოდ გავრცელების უნარის მქონე, ინვაზიური , აგრესიული ტიპის გიგანტური კრაზანების ბუდე აღმოაჩინეს და სასოფლო-სამეურნეო მავნებლების წინააღმდეგ მომუშავე ჯგუფმა ვაკუუმის გამწმენდი სპეცშეიარაღებით გაანადგურეს.

ვაშინგტონის სოფლის მეურნეობის დეპარტამენტმა ოფიციალურ განცხადებაში აღნიშნა, რომ კრაზანების დიდი ბუდე ბლეინის მახლობლად იქნა აღმოჩენილი და განადგურებული.

გავრცელებული ინფორმაციით, სპეციალიზებულმა ჯგუფმა, რომელიც სპეცტანსაცმლით და დამცავი კოსტუმებით იყო შემოსილი, პარაზიტებით სავსე ხეს ე.წ პლასმასის აპკი შემოახვიეს, რომლის შემდეგაც დიდი ვაკუუმის მტვერსასრუტით ამოიღეს მომაკვდინებელი მწერები. აღნიშნული სამუშაოების უნიკალურობა იმაში მდგომარეობს, რომ ყველა მწერი, რომელიც ბუდეში იმყოფებოდა დაუზიანებლად ამოიღეს და გამჭვირვალე მილში მოათავსეს- აღნიშნული ფაქტის ამსახველი ვიდეო ვაშინგტონის სოფლის მეურნეობის დეპარტამენტმა სოციალურ ქსელში გამოაქვეყნა.