ოპოზიციაში აღიარეს, რომ კენჭისყრისას წააგებენ უმრავლესობასთან (პარტია რეგიონებისა და კომუნისტური პარტიის ფრაქციებთან). თუმცა, სახალხო დეპუტატმა აღნიშნა, რომ „არსებობს გამონაკლისები“ და ისინი ხდება, „როდესაც უმაღლესი რადას კედლებთან არაგულგრილი მოქალაქეები იკრიბებიან“.

ოპოზიციამ მოაგროვა სახალხო დეპუტატების ხელმოწერათა საკმარისი რაოდენობა (150-ზე მეტი), ნიკოლაი აზაროვის მთავრობის დათხოვნის საკითხის პარლამენტში განსახილველად, ამბობს ფრაქცია „ბაწკივშინას“ სახალხო დეპუტატი ანდრეი პავლოვსკი.

მისი თქმით, უმაღლესი რადას სამუშაო რეგლამენტის თანახმად, 5 დეკემბერს, პარლამენტის სპიკერმა ვლადიმერ რიბაკმა პლენარულ სხდომაზე პირველ საკითხად უნდა დააყენოს ნიკოლაი აზაროვის მთავრობის პასუხისმგებლობის საკითხი თანამდებობრივი უფლებების გადაჭარბების გამო.

როგორც ცნობილია, ოპოზიცია უმაღლეს რადას თავაზობს მიიღოს რეზოლუცია მინისტრთა კაბინეტის უნდობლობის შესახებ, უკრაინელი ხალხის ღალატის გამო.