მსოფლიოში კორონავი რუსის გავრცელების მასშტაბები ყოველდღიურად შემძრწუნებელ ნიშნულებს აღწევს. მძიმე ვითარებაა ევროპისა და ამერიკის კონტინეტზე, სადაც ყოველდღიურად ასიათასობით ადამიანი ავადდება კოვიდ 19-ით.

უკანასკნელი 24 საათის განმავლობაში ამერიკაში ინფიცირების 60 789 შემთხვევა გამოვლინდადა დაავადებულთა საერთო რიცხვმა შეადგინა 8 635 955. მიუხედავად ინფექციის ზრდის დიდი მაჩვენებლებისა , გასულ თვეებთან შედარებით საგრძნობლად იკლო ყოველდღიური გარდაცვალების რიცხვმა. ბოლო დღე-ღამის განმავლობაში 340 ადამიანი დაიღუპა კოვიდ ინფექციისგან. აშშ-ში დაღუპულთა რიცხვი 225 229-ს შეადგენს.

კრიტიკული ვითარებაა აგრეთვე რუსეთშიც, სადაც უკანასკნელ 24 საათში 17 347 შემთხვევა დაფიქსირდა კოვიდ ინფიცირების. საერთო მაჩვენებელმა შეადგინა 1 531 224 პაციენტი. შეგასენებთ, რომ აღნიშნული მონაცემები მორიგი ანტირეკორდია კოვიდ ვირუსის რუსეთში გავრცელების. უკანასკნელ დღე-ღამეში ქვეყანაში 219 ადამიანი გარდაიცვალა- საერთო გარდაცვლილთა რაოდენობა 26 269-ს შეადგენს.

მძიმეა მდგომარეობა ევროპის კონტინეტურ ნაწილშიც- ბელგიაში უკანასკნელ 24 საათში 15 000-ზე მეტი შემთხვევა დაფიქსირდა, რაც 10 მილიონიანი ქვეყნისთვის ძალზე დიდი რიცხვია. ინფიცირებულთა რაოდენობა შეადგენს 321 000-ზე მეტს, ხოლო დაღუპულთა კი 10 810-ს.