მას შემდეგ რაც აზერბიჯანსა და სომხეთს შორის ოფიციალურად გაფორმდა ცეცხლის შეწყვეტის შეთანხმება ჰუმანიტარული მიზნებით, მოლაპარაკებიდან რამდენიმე საათში ორივე მხარე ერთმანეთს ადანაშაულებს მის დარღვევაში.

აზერბაიჯანის თავდაცვის სამინისტროში აცხადებენ, რომ ცეცხლის შეწყვეტის შეთანხმება პირველმა სომხეთმა დაარღვია და საარტილერიო ცეცხლი გახსნა ლაჩინის მიმართულებით განლაგებულ სამხედრო ნაწილებზე.

სომხური მხარე აგრეთვე აღნიშნავს, რომ ქალაქ მარტუნიზე აზერბაიჯანულმა მხარემ გამოიყენა სამხედრო ავიაცია და არმიის პოზიციები დაბომბა.

შეგახსენებთ, რომ ზემოხსენებული უერთიერთშეთანხმების მთავარი ინიციატორი იყო ამერიკის სახელმწიფო მდივანი, მაიკ პომპეო, რომელიც შეხვდა, როგორც აზერბაიჯანის, აგრეთვე სომხეთის საგარეო საქმეთა მინისტრებს.

ტვიტერის საკუთარ გვერდზე ცეცხლის შეწყვეტის ფაქტს გამოეხმაურა ამერიკის პრეზიდენტი, დონალდ ტრამპი და განაცხადა: „ ვულოცავ სომხეთის პრემიერ მინისტრს, ნიკოლ პაშინიანს და აზერბაიჯანის პრეზიდენტს, ილჰამ ალიევს, რომლებიც ესესაა შეთანხმდნენ ცეცხლის შეწყვეტაზე. ბევრი სიცოცხლე გადარჩება. ამაყი ვარ აგრეთვე ჩემი გუნდის წევრებით და მადლობას ვუხდი სახელმწიფო მდივან მაიკ პომპეოს და მის მოადგილე სტივ ბიგანს.