დაავადებათა კონტროლის ეროვნული ცენტრის ხელმძღვანელი, ამირან გამყრელიძე ამბობს, რომ შიდა შუქნიშნის მიხედვით, საქართველო ნარინჯისფრიდან წითელ ზონაში გადავიდა.

"ბოლო 2 კვირის განმავლობაში 100 000 მოსახლეზე გვაქვს უკვე 26. ანუ, ჩვენი შიდა შუქნიშნის მიხედვით, ნარინჯისფრიდან წითელ ზონაში გადავედით. მეორე მაჩვენებლით, რასაც ევროპის დაავადებათა კონტროლის ცენტრი ითვლის, იქაც ავცილდით 300-ს, მაგრამ გვაქვს კარგი მაჩვენებელი ტესტირებაში, რაც საერთო ტესტი მილიონ მოსახლეზე 313-314 000-ია და ყოველდღიური 9-10 000-ის ფარგლებში", - ამბობს გამყრელიძე.