ბრაზილიელი მამაკაცი, რომელიც ოქსფორდის უნივერსიტეტისა და კომპანია ასტრაზენაკას ანტიკორონავირუსული ვაქცინის ცდებში მონაწილეობდა, კოვიდ-19-ის გართულებების შედეგად გარდაიცვალა- ამის შესახებ ინფორმაცია ბრაზილიის ჯანდაცვის უწყება ავრცელებს ინფორმაციას.

ბრაზილიის ჯანმრთელობის დაცვის ეროვნულმა სააგენტომ ოთხშაბათს განაცხადა, რომ მათ 19 ოქტომბერს აცნობეს ბრიტანელმა კოლეგებმა აღნიშნული მოქალაქის გარდაცვალების შესახებ, თუმცა აგრეთვე ისიც განუცხადეს, რომ მიუხედავად აღნიშნული ფაქტისა, კვლევები გაგრძელდებოდა.

ბრაზილიური მედია არ ასაჯაროვებს გარდაცვლილის სახელსა და გვარს, მხოლოდ ითქვა ის ფაქტი, რომ დაღუპული მამაკაცი 28 წლის იყო , რომელიც სავარაუდოდ ან ექიმია, ან სამედიცინო ფაკულტეტის სტუდენტი.

ბრიტანულ-შვედური ფარმაცევტული კომპანია, ასტრაზენეკა ატარებს კოვიდ 19-ის ვაქცინაზე ცდებს ოქსფორდის უნივერსიტეთან თანამშრომლობის ფონზე. აღნიშნული კვლევები ტარდება ბრაზილიაში, ბრიტანეთში, ინდოეთსა და სამხრეთ აფრიკაში.