”უკრაინა ასოცირების შესახებ ხელშეკრულებას მაშინ მოაწერს ხელს, როდესაც ამისთვის ეკონომიკურად იქნება მზად”, - აღნიშნული განცხადება ქვეყნის პრეზიდენტმა ვიქტორ იანუკოვიჩმა გააკეთა.

მისივე თქმით, ფინანსური დახმარება, რომელსაც კიევს ევროკავშირი ახლა სთავაზობს, დამამცირებელია. “უკრაინას დრო სჭირდება იმისთვის, რომ შეთანხმება ნორმალური პირობებით დადოს”- აღნიშნა ქვეყნის პირველმა პირმა.

ევროკავშირთან ასოცირების ხელშეკრულებაზე ხელმოწერის ჩაშლასთან დაკავშირებით განცხადება უკრაინის პრემიერმაც გააკეთა.

ლიტვაში ვიზიტით მყოფმა ნიკოლაი აზაროვმა აღნიშნა, რომ კიევმა გადაწყვეტილება რუსეთის ეკონომიკური სანქციების მუქარის ფონზე მიიღო.