უკრაინის დედაქალაქში მიმდინარე აქციებზე პირველი კომენტარი გააკეთა ვლადიმირ პუტინმა. რუსეთის პრეზიდენტი მიიჩნევს, რომ ევროპელები უკრაინასთან დაკავშირებით მკვეთრი განცხადებების გახმიანებას უნდა შეეშვან: 

"მე ვთხოვდი ჩვენს მეგობრებს ბრიუსელიდან, ასევე ევროკომისიაში ჩვენს კარგ მეგობრებს, რომ თავი შეიკავონ მკვეთრი განცხადებების გაკეთებისაგან. იმისთვის, რომ მათ მოვეწონოთ, ჩვენ საკუთარი ეკონომიკის მთელი სფეროები უნდა დავახრჩოთ? მე ვფიქრობ, რომ ამ საკითხის დეპოლიტიზაციაა საჭირო.

უნდა დათანხმდნენ პრეზიდენტი იანუკოვიჩის წინადადებას და გავმართოთ მოლაპარაკებები სამმხრივ ფორმატში, სადაც დეტალურად ვისაუბრებთ ამ თემებზე.

ჩემი აზრით, ასევე შესაძლებელია პირდაპირი კონტაქტის ორგანიზება რუსეთის, უკრაინისა და ევროკავშირის ბიზნესის წარმომადგენლებს შორის, რომ მათ შეძლონ შეხვდნენ, მოილაპარაკონ ვის რა აწყობს.

ჩვენ კი მივიღებთ შესაბამის გადაწყვეტილებებს, მაგრამ ჩვენ შორის არჩევანი უკრაინამ უნდა გააკეთოს. გააფორმოს შეთანხმება თავისუფალი ვაჭრობის ზონის შესახებ ევროკავშირთან, თუ დარჩეს თავისუფალი ვაჭრობის ზონაში რუსეთთან. ეს მისი სუვერენული გადაწყვეტილებაა," - ამბობს ვლ. პუტინი.