ბრიტანეთის მთავრობის მთავარმა სამეცნიერო მრჩეველმა სენსაციური განცხადება გააკეთა კოვიდ 19-თან დაკავშირებით, რა დროსაც მან აღნიშნა, რომ ნაკლებად სავარაუდოა კორონავირუსის ვაქცინამ მთლიანად შეაჩეროს ინფექციის გავრცელება. მისი აზრით, დაავადება შესაძლოა, სრულად არც არასდროს გაქრეს.

პატრიკ ვოლენსმა აღნიშნა, რომ ჩუტყვავილა ერთ-ერთია იმ დაავადებათა შორის, რომელიც სრულად აღმოიფხვრა, თუმცა მომავალში კოვიდ-19-ის მკურნალობა ძალზე მსგავსი იქნება სეზონურ გრიპთან. მან პარლამენტის ერთ-ერთ კომიტეტზე ორშაბათს გამოსვლისას აღნიშნა: „ მე ვფიქრობ, რომ ნაკლებია იმის შანსი ჩვენ შევქმნად ისეთი ვაქცინა, რომელიც სრულად მოახდენს ვირუსის ნეიტრალიზებასა და ინფექციის გავრცელებას - „ სრულიად სავარაუდოა, რომ ვირუსი იქნება აქტიურ მოძრაობაში და მას ენდემური ხასიათი ექნება“.

„ცხადია რომ ვირუსის მენეჯმენტი გაუმჯობესდება მას შემდეგ რაც ვაქცინა იქნება მიმოქცევაში, რაც შეამცირებს ინფიცირების შანსაც და მისი მიმდინარეობის სიმძიმესაც. როგორი პროფილის ან ტიპისაც არ უნდა იყოს ვაქცინა , ეს გამოავლენს იმ ფაქტს, რომ კორონავირუსი ძალიან დაემსგავსება ყოველწლიურ გრიპს.

ეროვნული უსაფრთხოების სტრატეგიის კომიტეტზე გამოსვლისას პატრიკმა ვოლენსმა აღნიშნა, რომ დიდი ალბათობით, ვირუსის ვაქცინა მომავალი წლის გაზაფხულიდან იქნება ხელმისაწვდომი.