მუსულმან ექიმს, რომელმაც ქალისთვის სერტიფიკატის გადაცემის დროს ხელის ჩამორთმევაზე უარი განაცხადა, გერმანიაში მოქალაქეობის გაცემაზე უარი უთხრეს.

39 წლის ლიბანელ მამაკაცს გერმანიის ოფიციალური მოქალაქის სტატუსის მიღებამდე ქვეყანაში 13 წლიანი ცხოვრების შემდეგ რამდენიმე დღე აშორებდა. მან სამედიცინო სასწავლებელში განათლების მიღება უმაღლესი შედეგებით დაასრულა. დიდი ალბათობით იგი მოქალაქეობის ტესტისგან უმაღლეს ქულებს ელოდა, თუმცა სასამართლოს გადაწყვეტილებამ მისი სურვილი ჩაშალა. ამის შესახებ წერს ბრიტანული მედია.

წარმოშობით ლიბანელი მამაკაცისთვის განსაკუთრებით რთული აღმოჩნდა საბოლოო ე.წ "დაბრკოლების გადალახვა"- მას 2015 წელს მთავრობის მიერ მოწყობილ ცერემონიაზე მაღალჩინოსან ქალს ხელი არ ჩამოართვა, რადგან ეს მისთვის რელიგიურ-ოჯახური სტერეოტიპებისა და შეზღუდვების ფონზე აკრძალულ ქმედებად აღიქმებოდა.

5 წლის შემდეგ, სასამართლომ გამოიტანა საბოლოო განაჩენი- მოსამართლის თქმით, ეთნიკურად ლიბანელი მამაკაცის ფუნდამენტალისტური ხედვები უთანხმოებასა და განსხვავებულ შეხედულებებში მოდიოდა მის გერმანულ საზოგადოებაში ინტეგრაციასთან, სწორედ ამიტომ ზემოხსენებულ ადამიანს უარი ეთქვა მოქალაქეობაზე.

ლიბანელი მამაკაცი გერმანიაში 2002 წელს გადავიდა საცხოვრებლად, სადაც 10 წლის წინ სირიული წარმოშობის ქალზე დაქორწინდა, რომელსაც დაპირდა რომ არასოდეს არც ერთ სხვა ქალს ხელს არ ჩამოართმევდა.

სასამართლოს განცხადებით, ხელის ჩამორთმევის ინციდენტი შეუსაბამოა გერმანიის კონსტიტუციის გარანტიასთან ქალისა და მამაკაცის თანაბარუფლებიანობის შესახებ.