ბრიტანეთში კოვიდ 19-ის გვერდითი ეფექტების კიდევ ერთი შემაშფოთებელი ფაქტი დაფიქსირდა- მას შემდეგ, რაც კორონავირუსით ინფიცირებულმა პაციენტმა დაავადება დაამარცხა და გამოჯანმრთელდა, სმენა დაკარგა. ექსპერტების თქმით, მსგავსი შემთხვევა აქამდე არ დაფისქირებულა. მათ მამაკაცის სიყრუის მიზეზი დაადგინეს და განაცხადეს, რომ იმისათვის, რათა მსგავსი შემთხვევა არ მოხდეს, დაავადებულ ადამიანებს სტეროიდული საშუალებებით უნდა უმკურნალონ.

მეცნიერები აღნიშნავენ, რომ მსგავსი შემთხვევის ალბათობა მცირეა, თუმცა ვირუსის გამწვავებას შეუძლია ასეთი უკუეფექტის გამოწვევა. აღნიშნული კოვიდ ინფიცირებულ პაციენტს, ბრიტანული მედიის ინფორმაციით, უმძიმესი სიმპტომები აღენიშნებოდა- გართულებული სუნთქვის სიმპტომების გამო იგი ხელოვნური სუნთქვის აპარატზე შეაერთეს, სისხლი გადაუსხეს და მკურნალობის ციკლი დაიწყეს. დაავადებული აპარატიდან 30 დღის შემდეგ მოხსნეს.

მას შემდეგ, რაც პაციენტი გაწერეს რეანიმაციის პალატიდან, მან მარცხენა ყურეში თანდათან, რამდენიმე დღეში სმენა დაკარგა. მეცნიერებმა დაადგინეს, რომ აღნიშნული შედეგის გამოწვევის მიზეზი გახდა შუა ყურის და ნერვის დაზიანება. ამის გამომწვევ ფაქტორად კი ექიმებიც და მეცნიერებიც კოვიდ 19-ს ასახელებენ.

აღსანიშნავია აგრეთვე ის ფაქტი, რომ ექიმებმა მამაკაცს სტეროიდული აბებით უმკურნალეს და გარკვეულ წილად სმენა აღდგა, თუმცა არა სრულფასოვნად.