დამოუკიდებლობის შემთხვევაში, შოტლანდიას საკუთარი ჯარი ეყოლება. ხელისუფლება გადასახადებს ლონდონისგან დამოუკიდებლად აკრეფს, და მოსალოდნელია, რომ მათ არ გაზრდიან.

დამოუკიდებელ შოტლანდიაში ვალუტის სახით ფუნტი სტერლინგის, ხოლო ქვეყნის მეთაურად დიდი ბრიტანეთის დედოფლის დატოვებას აპირებენ. ამის შესახებ ნათქვამია დოკუმენტში, რომელიც ახალი სახელმწიფოს მოწყობას აღწერს. ის წარმოდგენილია შოტლანდიის მთავრობის საიტზე.

დიდი ბრიტანეთის ჩრდილოეთი ნაწილის დამოუკიდებლობა შეიძლება რეფერენდუმის შედეგად გამოცხადდეს, რომელიც 2014 წლის 18 სექტემბერს გაიმართება. მასში მონაწილეობის მიღება შოტლანდიაში ყველა მცხოვრებს შეეძლება 16-17 წლის მოზარდების ჩათვლით.

შოტლანდია დიდი ბრიტანეთის ნაწილს 1707 წლიდან წარმოადგენს.

zn.ua