პარადოქსული რეგულაციები გვაქვს - ამის შესახებ ინფექციონისტმა მაია ბუწაშვილმა განაცხადა.

ბუწაშვილის თქმით, საზოგადოებრივი ტრანსპორტი ვირუსის გავრვცელების მთავარი კერაა.

"რა შეზღუდვებიც უკვე დაწესებულია, იმის აღსრულების მექანიზმები უნდა ჩაირთოს. რა აუდიტორიებში სტუდენტების ჯდომა შეედრება იმ რისკს, რაც ავტობუსებსა და სამარშრუტო ტაქსებში ხდება. ეს არის გავრცელების პატარ-პატარა კერები.

რამდენი ხანია ამას ვამბობ. მე მესმის, ალბათ ახლა ძალიან ეცინებათ შესაბამის მესვეურებს, რომ სათქმელად ადვილიაო... მაგრამ არა მგონია შეუძლებელი ყოფილიყო ამდენი თვის მანძილზე ავტობუსების დამატება, რომ ხალხი რაც შეიძლება მეჩხერად იყოს ტრანსპორტში. პარადოქსული რეგულაციები გვაქვს. ტაქსიში ორი ადამიანი ჯდება და "მარშრუტკებში" ხალხი ერთმანეთს აზის მხრებზე" - ამბობს ბუწაშვილი.