ბანგლადეშის სასამართლომ 5 მამაკაცს, რომლებიც ბრალდებულები იყვნენ 2012 წელს 15 წლის გოგოს ჯგუფურ გაუპატიურებაში, სასჯელის უმაღლესი ფორმად სიკვდილით დასჯა განუსაზღვრა. განაჩენი ტანგაილბის ჩრდილოეთ რაიონში არსებულმა უზენაესმა სასამართლომ გამოიტანა, რომელიც ქალთა და ბავშვთა მიმართ ძალადობის საქმეებს განიხილავენ.

პროკურორის განცხადებით, გოგონა თავისმა შეყვარებულმა მდინარის პირას მოტყუებით წაიყვანა, სადაც ორ მეგობართან ერთად გააუპატიურა, მოგვიანებით კი სექსუალურ აქტში მონაწილეობა დამატებით ორმა კაცმა მიიღო.

გასულ კვირას , მას შემდეგ რაც ძალადობის ამსახველი სულისშემძვრელი კადრები ინტერნეტით გავრცელდა, ქვეყნის მთელი მასშტაბით დაიწყო დემონსტრაციები. ვიდეოში ჩანდა მამაკაცთა ჯგუფი შიშველ მდგომარეობაში, რომლებიც თვს ესხმოდნენ ქალს.

ბანგლადეშში საკმაოდ ხშირია გაუპატიურებისა და ქალთა მიმართ ძალადობის ფაქტები- მხოლოდ წელს სექსუალური ძალადობის 1000-მდე შემთხვევა დაფიქსირდა მთელ ქვეყანაში. 2013 წლიდან დღემდე გაუპატიურების ბრალდებით ჩამოახრჩვეს 23 ადამიანი, ხოლო 1718 ამ დრომდე მოლოდინის რეჟიმშია.