ბრიტანულ პრესაში გავრცელდა ინფორმაცია იმის შესახებ, რომ რომის კათოლიკური ეკლესიის მეთაურთან მოლაპარაკებებისას მოსკოველმა სტუმარმა, თავისი ძველი მეგობრის, ბერლუსკონის მომავალი განიხილა.

„ბერლუსკონი, როგორც ჩანს, პუტინის კაცი იქნება ვატიკანში“, - წერს Times. ბერლუსკონიმ, შესაძლოა, რადიკალურად შეცვალოს კარიერა და ვატიკანში რუსეთის ელჩი გახდეს, წერს გაზეთი.

ეს დანიშვნა, როგორც იტალიური მას-მედია მიიჩნევს, შეიძლება აიხსნას ძველი მეგობრის სურვილით, იტალიის ყოფილ პრემიერს გადაუგდოს „სამაშველო რგოლი“ დიპლომატიური პასპორტის სახით. ამას შეუძლია გადაარჩინოს ბერლუსკონი საზოგადოებრივ სამუშაოზე გაგზავნის დამცირებისაგან, რაც გადასახადებთან დაკავშირებული თაღლითობის გამო სასჯელად ემუქრება.

ის, რომ რუსეთის ლიდერის ვიზიტი იტალიის სენატის სესიამდე ერთი დღით ადრე შედგა, სადაც, სავარაუდოდ, ხმას მიცემენ ბერლუსკონი იქიდან გაძევებას, შეიძლება ჩავთვალოთ საოცარ დამთხვევად.