პირველი სკოლის პედაგოგს Covid19 დაუდასტურდა. ინფორმაციას ამის შესახებ პირველი სკოლის დირექტორი თამარ კაპანაძე ავრცელებს.

"დღეს ჩვენი სკოლის ქართული ენისა და ლიტერატურის პედაგოგს დაუდასტურდა კოვიდ19.

პარასკევს, დღის პირველ ნახევარში, იგი იმყოფებოდა სკოლაში. სიმპტომები კვირას საღამოს გამოუვლინდა. ამიტომაც, ნაკლებად სავარაუდოა, რომ პარასკევს დღის პირველ ნახევარში ის ინფექციის გადამდები ყოფილიყო. ასე რომ, პანიკის არავითარი საფუძველი არ გვაქვს!

თუმცა, ეპიდემიოლოგებთან კონსულტაციის შემდეგ, რისკის თავიდან აცილების მიზნით, მივიღე გადაწყვეტილება, რომ სკოლა 21 ოქტომბრამდე გადავიდეს სწავლების დისტანციურ ფორმაზე", - წერს კაპანაძე Facebook-ზე.

კორონავირუსის დადასტურების შემდეგ სკოლა დისტანციურ სწავლებაზე გადავიდა.