დაავადებათა კონტროლის ეროვნული ცენტრის ხელმძღვანელის თქმით, საქართველოში გლობალური შეზღუდვების დაწესება არ იგეგმება. ამირან გამყრელიძემ უწყებათაშორისი საკოორდინაციო საბჭოს დასრულების შემდეგ ბრიფინგზე თქვა, რომ იქნება წერტილოვანი აკრძალვები.

გამყრელიძის თქმით, წერტილოვანი შეზღუდვები იქნება თბილისშიც.

"როდესაც ვთქვათ, აგვიფეთქდა აჭარაში ეპიდსიტუაცია. სწავლა დისტანციურზე გადავიდა, შიდატრანსპორტის მოძრაობა შეიზღუდა, რესტორნები ადრე დაიხურა და ეს გრძელდება. ამ ტიპის წერტილოვანი შეზღუდვები ქვეყანაში იქნება. არ იქნება ჩვენი ქვეყნისთვის გლობალური შემზღუდველი ღონისძიებები, მაგრამ იქნება სხვადასხვა სახის წერტილოვანი შეზღუდვები, მათ შორის თბილისშიც", - განაცხადა გამყრელიძემ.