ინფექციური საავადმყოფოს დირექტორი, თენგიზ ცერცვაძე აცხადებს, რომ სულ ერთეული შემთხვევა იყო, როცა პაციენტი მარტო კორონაივრუსით გარდაიცვალა. ამის შესახებ მან ჟურნალისტებს ჯანდაცვის სამინისტროში შეხვედრის შემდეგ განაცხადა.

მისივე თქმით, ძირითადი ტენდეცია ისაა, რომ გარდაცვლილთა დიდი ნაწილი 70 წელს გადაცილებული ხალხია, რომელთაც თანმხლები დაავადებები ჰქონდათ.

"გამოისახა ტენდენცია, რომ კოვიდის დროს მოსალოდნელია სწრაფი დამძიმება და თუ არ იქნა მყისიერი რეაგირება, შეიძლება, პაციენტი გარდაიცვალოს გართულებით, გულის გაჩერებით ან სხვა პათოლოგიით. ძირითადად, ერთეული შემთხვევები იყო, როდესაც მარტო კოვიდით გარდაიცვალა, სულ 2-3 შემთხვევა", - ამბობს ცერცვაძე.