ბრიტანეთში მერსედესის მძღოლი შეიარაღებული პოლიციელს, რომელიც მის დაპატიმრებს ცდილობდა, მთელი სისწრაფით დაეჯახა. აღნიშნული ფაქტი ჩრდილოეთ ლონდონში მოხდა, რომელიც სათვალთვალო-სადამკვირვებლო კამერამ დააფიქსირა. აღნიშნულ პირს განზრახ სხეულის მძიმე დაზიანების მცდელობისთვის პატიმრობა ემუქრება.

როგორც ირკვევა, 26 წლის აიდინ ალტუნი ჰარინგეიში მომხდარ ორმრხივი სროლის ფაქტზე იყო ეჭვმიტანილი- სწორედ აღნიშნულის გამო ცდილობდა სამართალდამცავი მის დაკავებას.

სასამართლოს თქმით, გასული წლის 28 ოქტომბერს ჰარინგეიში სროლა იყო, რა დროსაც ერთ-ერთი მოწინააღმდეგე მხარის მანქანაში ნატყვიარები დააფიქსირეს. თვითმხილველებმა აღნიშნეს, რომ მათ შემთხვევის ადგილზე შავი ფერის მერსედესი შენიშნეს. მომდევნო დღეს პოლიციის ოფიცრებმა ზემოხსენებული მანქანა აღმოაჩინეს ტოტენჰემის გზატკეცილზე ლონდონში- მძღოლი მათ ბრძანებას შეჩერებასთან და ხელების აწევასთან დაკავშირებით არ დაემორჩილა და ოფიცერი გაიტანა.

პოლიციის ოფიცერმა დავარდნის შედეგად გონება დაკარგა და მრავლობით მოტეხილობა მიიღო მუხლის, კოჭისა და სხეულის სხვადასხვა ნაწილში, თუმცა მისი მდგომარეობა სიცოცხლისთვის საფრთხის შემცველი არ აღმოჩნდა.

აიდინ ალტუინი 2019 წლის 30 ოქტომბერს თავისი ნებით ჩაბარდა პოლიციას- მან ეს ქმედება მას შემდეგ განახორციელა, რაც სკოტლანდ იარდმა დაიწყო მასზე ძებნა მთელი ქვეყნის მასშტაბით. ალტუინს განაჩენს პარასკევს გამოუტანენ.