აშშ-ში, ილინოისის შტატში, ადვოკატთა გამოცდის მიმდინარეობის პერიოდში ერთ-ერთმა სტუდენტმა იმშობიარა. ბრაიან ჰილმა, რომელიც ჩიკასო სამართლის სკოლის კურსდამთავრებულია, იცოდა რომ მას გამოცდის ჩაბარება ორსულობის პერიოდში მოუწევდა , თუმცა არ ელოდა, რომ ასე შორს გადაიწევდა ტესტის ჩაბარების თარიღი.

„ მე ვფიქრობდი, რომ მხოლოდ 28 კვირის ორსული ვიქნებოდი როდესაც გამოცდის ჩაბარება მომიწევდა, თუმცა პანდემიის გამო ტესტირებამ ოქტომბერში გადაიწია, როცა მე უკვე 38 კვირის ორსული ვიყავი. მე ვიხუმრე იმასთან დაკავშირებით, რომ გამოცდის დასრულებამ საავადმყოფოს საწოლში მომიწია“ - განუცხადა ჰილმა CNN-ის ჟურნალისტს.

მისი განცხადებით, გამოცდის დაწყებიდან 30 წუთში წყლები დაღვარა, თუმცა ქმრისა და დედის დახმარებით, მან გამოცდის მე-2 ნაწილის დაწერაც მოახერხა, რის შემდეგადაც საავადმყოფოში გადაყვანას დათანხმდა. გამოცდის სრული დისტანციუი ვერსია ოთხი 90 წუთიანი ნაწილისაგან შედგება.

მას შემდეგ, რაც ქალმა იმშობიარა, მეორე დღეს საავადმყოფოს თანამშრომლებმა მას მოუწყვეს საგამოცდო პირობები კლინიკის ერთ-ერთ ოთახში, სადაც მან გამოცდა დაწერა. ჰილს გამოცდის შესვენების პერიოდში ბავშვის მონახულების უფლებაც მისცეს.

ბრიანმა მადლობა გადაუხადა საავადმყოფოს მომსახურე პერსონალსა და მის თანაკურსელებს, ოჯახის წევრებს- დედასა და ქმარს, რომელთაც უზრუნველყვეს რომ მას არა მარტო მშვიდ გარემოში ემშობიარა, არამედ დაეხმარნენ, იმაშიც, რომ იგი გახდეს ადვოკატი.