რუსული მედია ქალაქი კარპინსკის მაცხოვრებლებზე დაყრდნობით სენსაციურ სტატიას აქვეყნებენ- როგორც ცნობილი გახდა, დედა თავის ახალშობილს ექვსი თვის განმავლობაში კარადაში მალავდა.

რუსული მედიის ინფორმაციით, დედის მეგობრებმა მასთან სტუმრობისას კარადაში ღონემიხდილი, უმძიმეს მდგომარეობაში მყოფი 6 თვის ბავშვი აღმოაჩინეს. გოგონა სულ რაღაც 3.1 კილოგრამს იწონიდა. ქალის მეგობრებმა ბავშვი წაიყვანეს და ამის შესახებ პოლიციაში განაცხადეს, სადაც სისხლის სამართის საქმე აღნიშნულ ფაქტთან დაკავშირებით აღიძრა. მედიის თქმით, მოძალადე დედას აგრეთვე ჰყავს 13 წლის ბიჭი და 3 წლის ქალიშვილიც. როგორც ცნობილია, ახალშობილი სიკვდილს იმიტომ გადაურჩა, რომ მას თავისი ძმა კვებავდა.

ბოროტმოქმედი დედის მეგობრების განცხადებით, სწორედ მისი ვაჟიშვილი უცვლიდა საფენებს თავის დას. კარპინსკის ჯანდაცვის უწყების თქმით, ძლიერ დაზიანებული ბავშვი უკვე ძალებს იკრებს: „იგი ჭამს, ძინავს და აქტიურად თამაშობს.“ ბავშვის დედა ფსიქიატრიულ კლინიკაში მოათავსეს.

როგორც მედიამ გაარკვია, 37 წლის იულია ორსულად საყვარლისგან იყო, რომელსაც ცალკე ჰყავდა ოჯახი. მან კი ბავშვი ექიმების დახმარების გარეშე გააჩინა. ბავშვი მან ჩანთაში ჩასვა და კარადაში მოათავსა იმ იმედით, რომ ახალშობილი შიმშილით მოკვდებოდა და ამით პრობლემას მოაგვარებდა.