რუსული მედიისა და სამხედრო ექსპერტის განცხადებით, ე.წ მთიანი ყარაბაღის არმიამ 2 კვირის განმავლობაში თავისი ჰაერსაწინააღმდეგო სისტემის 80 % დაკარგა. გავრცელებული ინფორმაციით, ამ ხნის განმავლობაში მთიანი ყარაბაღის ახლო, საშუალო და შორსმოქმედი საზენიტო სისტემების 80 % იქნა განადგურებული, მათ შორის განადგურდა რუსული ს-300-ის რადიოლოკაციური სადგური და გამშვები კომპლექსიც.

ექსპერტების თქმით, აზერბაიჯანმა პირველ დღეებში დაკარგა ათობით უპილოტო საფრენი აპარატი, თუმცა დღეის მდგომარეობით აზერბაიჯანის არმიის უპილოტო საფრენი აპარატები დაუსჯელად დაფრინავენ მოწინააღმდეგის სრულ ტერიტორიაზე, რადგან სომხურ მხარეს უკვე აღარ დარჩათ შეიარაღეაში საშუალებები, რომლითაც შეძლებენ მტრის ავიაციასთან გამკლავებას.

„ორი კვირის განმავლობაში თვითაღიარებული ყარაბაღის (არცახის) შეიარაღებულმა ძალებმა დაკარგეს თავიანთი ჰაერსაწინააღმდეგო სისტემათა 80 % , რაც უკვე აზერბაიჯანს აძლევს საშუალებას თავისუფლად იმოქმედონ აღნიშნულ რეგიონში, ისინი დაუსჯელად დაფრინავენ. სწორედ ამ მიზეზის გათვალისწინებით, ბაქო აქტიურად ახორციელებს სარაკეტო დარტყმებს სომხური მხარის სამხედრო ძალებზე , მათ აღარ ეშინიათ, თავისუფლად იფრინონ მტრის ზურგში“ - აცხადებს რუსი სამხედრო ექსპერტი AVIA.PRO-სთვის მიცემულ ინტერვიუში.