კორონავირუსმა შეიძლება 1 თვის განმავლობაში გაძლოს გაძლოს ფულად კუპიურებზე, მობილური ტელეფონის ეკრანებსა და უჟანგავ ფოლადზეც. ამის შესახებ კვლევა ავსტრალიის ეროვნულ მეცნიერებათა სააგენტოს მიერაა გაცხადებული, რომელთაც დაკვირვების შედეგად აღმოაჩინეს, რომ კოვიდ 19-ის ვირუსული ნაწილაკები ზედაპირებზე 28 დღეზე მეტ ხანს ძლებს.

კვლევამ, რომელიც ჩატარდა ავსტრალიის დაავადებათა მზაობის ცენტრში, დაადასტურა, რომ კორონავირუსი უკეთესად ძლებს ცივ ტემპერატურაში.ზემოხსენებულმა დაკვირვებამ აგრეთვე დაასკვნა, რომ კორონავირუსი აგრეთვე დიდი ხნის განმავლობაში აგრძელებს „არსებობას“ გლუვ ზედაპირებზე, როგორიცაა მინა და უჟანგავი ფოლადი.

კვლევებმა აგრეთვე დაადასტურეს ის ფაქტი, რომ ვირუსულ ნაწილაკებს სიცოცხლისუნარიანობა ჰაერში 3 საათის განმავლობაში უნარჩუნდებათ. მეცნიერებმა აღმოაჩინეს აგრეთვე ის ფაქტი, რომ ვირუსის სიცოცხლისუნარიანობა რამდენიმეჯერ მცირდება 30-იდან 40 გრადუსის შუალედში.

ავსტრალიის ეროვნული სამეცნიერო სააგენტოს მკვლევარი აცხადებს, რომ დაინფიცირების 90 % მაინც გამოწვეულია დაავადებულ ადამიანებთან ახლო კონტაქტით, განსაკუთრებით მაშინ, როდესაც ისინი აცენიმებენ, ახველებენ და გამოყოფენ ვირუსულ ნაწილაკებს. მეცნიერის აზრით, ზედაპირზე არსებული კორონავირუსი საერთო ჯამში ინფიცირების მხოლოდ 10 %-ს თუ შეადგენს.