საქართველოში კორონავირუსის 478 ახალი შემთხვევა გამოვლინდა, ჯამში ინფიცირებულია 12 272-მდე ადამიანი.

stopcov.ge-ს ინფორმაციით, ვირუსს საქართველოს კიდევ 6 მოქალაქე ემსხვერპლა. გარდაცვლილთა საერთო მაჩვენებელ 91-ს შეადგენს.

გარდა ამისა, საქართველოში, ბოლო 24 საათში კორონავირუსისგან კიდევ 211 პაციენტი გამოჯანმრთელდა. გამოჯანმრთელებულთა საერთო რაოდენობა ამ ეტაპზე 6538-ია.

კარანტინის რეჟიმში იმყოფება 5590 მოქალაქე, სტაციონარში მეთვალყურეობის ქვეშ კი 836 პირი. კოვიდ სასტუმროში მოთავსებულია 1393 პაციენტი, უცხოეთიდან სამკურნალოდ გადმოყვანილია საქართველოს 41 მოქალაქე.