ამერიკის შეერთებული შტატების ინფორმაციით, ქვეყანაში Covid 19-ის 54,600 – ზე მეტი ახალი შემთხვევა დაფიქსირდა.

ჯონ ჰოპკინსის უნივერსიტეტის მონაცემებით, შაბათს აშშ-ში 54,639 ახალი Covid 19-ის შემთხვევა და 618 დამატებითი ვირუსით გამოწვეული სიკვდილიანობა დაფიქსირდა.

აღნიშნული ციფრი, კორონავირუსის ქეისების ყველაზე მაღალი დღიური მაჩვენებელი აშშ-ში, აგვისტოს შემდეგ.

ჯამში, ვირუსის სულ მცირე 7,717,932 შემთხვევაა დადასტურებული, ხოლო ქვეყანაში კორონაინფექციით, 214,370-ზე მეტი ადამიანი გარდაიცვალა.

კორონავირუსის შემთხვევების ბოლოდროინდელი ზრდის გამო, შეერთებულ შტატებში გადაუდებელი დახმარების ექიმები შიშობენ, რომ ეს შესაძლოა იყოს "საშინელი მეორე ტალღის" დასაწყისი.

„ჩვენ ვხედავთ პაციენტების რაოდენობის ზრდას, რომლებიც ჩენს კლინიკებში მოდიან. ისინი საჭიროებენ ჰოსპიტალიზაციას და ინტენსიურ თერაპიასაც კი“ - განუცხადა CNN- ს სასწრაფო სამედიცინო დახმარების ექიმმა და ბრაუნის უნივერსიტეტის ასოცირებულმა პროფესორმა, მეგან რენნიმ.

”ჩვენ ყველანი ვშიშობთ, რომ ეს იმ საშინელი მეორე ტალღის დასაწყისია”, - თქვა მან.

ჯონ ჰოპკინსის უნივერიტეტის ინფორმაციით პარასკევს აშშ-ში კორონავირუსის 57420 ახალი შემთხვევა დაფიქსირდა, რაც ყველაზე დიდი დღიური მონაცემია 14 აგვისტოს შემდეგ, როცა 64601 ახალი შემთხვევა იყო დაფიქსირებული.