სომხეთი და აზერბაიჯანი ყარაბაღში მიმდინარე საბრძოლო მოქმედებებთან დაკავშირებით ზავის გაფორმებასთან ძალზე ახლოს არიან- ამის შესახებ ემანუელ მაკრონის ადმინისტრაციამ განაცხადა ფრანგულ მედიასთან საუბარში.

მეომარი მხარეების მაღალჩინოსანი დიპლომატები აგრეთვე შეხვდნენ ერთამენთს მოსკოვშიც, სადაც რეგიონში არსებული დესტაბილიზაცია განიხილეს რუს მაღალჩინოსან პოლიტიკოსებთან ერთად. გავრცელებული ინფორმაციით, შეხვედრას სერგეი ლავროვიც ესწრებოდა.

„ჩვენ უკვე ვუახლოვდებით საზავო ხელშეკრულებას, რომელიც დღეს ღამით, ან ხვალ გაფორმდება, თუმცა სიტუაცია მაინც არამყარია“ - განაცხადა პრეზიდენტ ემანუელ მაკრონის პრესპიკერმა მედიასთან საუბარში.

საფრანგეთის პრეზიდენტი ტელეფონით ესაუბრა სომხეთის პრემიერ-მინისტრ ნიკოლ ფაშინიანს და აგრეთვე ილჰამ ალიევსაც. ამის შესახებაც ფრანგული მედია იუწყება.