თურქეთის პარლამენტის სპიკერი, მუსტაფა შენტოპი აცხადებს, რომ ქვეყნის საკანონმდებლო ორგანო განიხილავს საკითხს აზერბაიჯანში თურქი ჯარისკაცების გაგზავნასთან დაკავშირებით იმ შემთხვევაში, თუ ყარაბაღში მიმდინარე კონფლიქტში მესამე ძალის სამხედრო ძალები ჩაერევიან.

„აზერბაიჯანულმა შეიარაღბულმა ძალებმა უკანასკნელ დღეებში მთელ მსოფლიოს აჩვენეს, რომ მათ დამოუკიდებლად შეუძლიათ, მიაღწიონ გამარჯვებას, გამოიჩინონ შეუპოვრობა და მონდომება ოკუპურებული ტერიტორიების გათავისუფლებაში. სწორედ ამიტომ არ ვფიქრობ, რომ კონფლიქტის ზონაში თურქი სამხედროების გაგზავნა იყოს აუცილებელი. თურქეთი შეიარაღებულ ძალებს მთიან ყარაბაღში მაშინ გაგზავნის, თუ მოხდება მესამე ძალის მიერ კონფლიქტში ჩარევის მცდელობა , რომლითაც მოახდენს გაეროს რეზოლუციის უგულებელყოფას“ - განაცხადა შენტოპმა რუსული სახელისუფლებო მედიისთვის, რია ნოვოსტისთვის მიცემულ ინტერვიუში.

თურქი პოლიტიკოსის თქმით, აუცილებელია, პატივი ვცეთ საერთაშორისო სამართალს და გაეროს გენერალური ასამბლეის მიღებულ რეზოლუციებს, რომლითაც მოთხოვნილია, რომ სომხეთის შეიარაღებულმა ძალებმა აზერბაიჯანის ოკუპირებული ტერიტორიებიდან დაუყოვნებლივ უნდა გაიყვანონ სამხედროები.