„გასული 24 საათის განმავლობაში ქვეყანაში დადასტურდა 527 ახალი შემთხვევა. სულ, ინფიცირებულთა საერთო რაოდენობაა 10 752, აქედან გამოჯანმრთელებული გვყავს 5 866 პაციენტი, შესაბამისად, აქტიური შემთხვევა არის 4 886 პაციენტი, რომლებიც მკურნალობენ სტაციონარებში, ასევე სასტუმროებში, სადაც უტარდებათ სამედიცინო დახმარება, ნაწილი კი ბინაზე გადის მკურნალობას - ესენი ძირითადად არიან მსუბუქი და უსიმპტომო პაციენტები.

ამჟამად კრიტიკულად მძიმე გახლავთ 63 პაციენტი, მათ შორის 61 არის მართვით სუნთქვაზე - 31 ინტუპირებულია, 30 კი სიპაპ-რეჟიმზე იმყოფება. მძიმე პაციენტებიდან 9 გახლავთ აფხაზეთის ოკუპირებული ტერიტორიიდან გადმოყვანილი, ერთი კი - ცხინვალიდან.

განაწილება რეგიონების მიხედვით ასეთია: საბედნიეროდ, აჭარაში შემცირდა შემთხვევათა რაოდენობა, ბოლო დღე-ღამის განმავლობაში დაფიქსირდა 190 ახალი შემთხვევა. სამწუხაროდ, ინფიცირების შემთხვევები იმატებს თბილისში - 179 პაციენტი დაგვემატა. მესამე ადგილზე ისევ იმერეთი რჩება - 91 შემთხვევა, ქვემო ქართლში - 28, შიდა ქართლში - 10, კახეთში - 11, მცხეთა-თიანეთში - 3, გურიაში - 3, სამცხე-ჯავახეთში - 1 პაციენტი“ - განაცხადა ენდელაძემ.