ბათუმში, კორონავირუსით ინფიცირებულმა ორსულმა იმშობიარა

ბათუმში, კორონავირუსით ინფიცირებულმა ორსულმა იმშობიარა - როგორია ახალშობილის მდგომარეობა ?

COVID-19 - 13:37, 08 Oct, 2020

961

ბათუმის სამშობიარო სახლში ამ ეტაპზე 21 კოვიდინფიცირებული პაციენტი იმყოფება. როგორც კლინიკის დირექტორი ნუგზარ პაპავა „პრაიმტაიმთან“ საუბრისას აცხადებს, ყველა პაციენტის ჯანმრთელობის მდგომარეობა დამაკმაყოფილებელია.

გუშინ საღამოს კოვიდინფიცირებულმა ორსულმა ფიზიოლოგიურად იმშობიარა, დედა-შვილი ბოქსირებულ პალატაში თავს კარგად გრძნობენ. ერთ ორსულს კი საკეისრო კვეთისათვის ამზადებენ.

„გუშინ იმშობიარა ჩვენთან ორსულმა კოვიდინფიცირებულმა ქალბატონმა და ბიჭი შეეძინა. დედაც და ახალშობილიც თავს კარგად გრძნობენ. ისინი ცალ-ცალკე, ბოქსირებულ პალატებში იმყოფებიან. აქვს თუ არს ახალშობილს კირონავირუსი, ამ ეტაპზე უცნობია. ხვალ აუღებენ ნიმუშებს ტესტირებისთვის ამ ეტაპზე კლინიკაში 21 პაციენტია.

ყველა თავს კარგად გრძნობს. ერთი მძიმე პაციენტის რეფერირება გუშინ განხორციელდა, ხოლო მეორე საყურადღებო პაციენტის მდგომარეობა გაუმჯობესდა. აღარ აღენიშნება კორონავირუსისთვის დამახასიათებელი სიმპტომები.

ამჟამად კლინიკაში გვყავს ოთხი ახალშობილი. ორს დადასტურებული აქვს კორონავირუსი. ერთს გუშინ ჩაუტარდა ტესტირება და პასუხს ველოდებით. ხოლო მეოთხეს, როგორც გითხარით, ხვალ აუღებენ კვლევისათვის ნიმუშებს. გუშინ შემოიყვანეს კორონავირუსით დადასტურებული დიაგნოზით ფეხმძიმე და მას ვამზადებთ საკეისრო კვეთისთვის“,- ნუგზარ პაპავა.