ნიკოლ ფაშინიანმა კიდევ ერთი განცხადება გაავრცელა მთიან ყარაბაღში შექმნილ მდგომარეობასთან დაკავშირებით. მისი თქმით, აღნიშნული საკითხი ძალადობის გზით არ უნდა იქნეს მოგვარებული.

„ჩვენი პოზიცია უცვლელია, ყარაბაღის საკითხი ძალადობის გზით არ უნდა გადაიჭრას, ძალადობის გზით არანაირი გამოსავალი არ მოიძებნება. აზერბაიჯანის მიერ გადადმული ნაბიჯები კი მხოლოდ ძალადობისკენაა მიმართული. სომხეთი ყოველთვის მზად იყო კომპრომისისთვის, აზერბაიჯანი კი პირიქით-ისინი არც აპირებდნენ გარკვეულ ორმხრივი დათმობების ფონზე ნაბიჯების გადადგმას. მათი მიზანი ყარაბაღელი სომხების გასახლებაა, რის გამოც ეთნოწმენდას ახორციელებენ რეგიონში“ - განაცხადა ფაშინიანმა.

სომხეთის პირველი პირის განცხადებით, ყარაბაღში თურქეთის ძალისხმევით აზერბაიჯანელთა რიგებში საერთაშორისო ტერორისტები იბრძვიან. ფაშინიანი ჰუმანიტარული კატასტროფის თავიდან არიდებისთვის, კონფლიქტის კიდევ უფრო გაფართოების საშიშროების გამორიცხვისთვის საერთაშორისო საზოგადოებას მოუწოდებს მეტ ჩართულობას სიტუაციის დარეგულირებაში. მისი აზრით, საერთაშორისო საზოგადოების მთავარი ნაბიჯი უნდა იყოს ყარაბაღის დამოუკიდებლობის აღიარება.