ვლადიმერ პუტინი ყარაბაღში მიმდინარე მოვლენებს კიდევ ერთხელ გამოეხმაურა და შეშფოთება გამოთქვა საომარ მოქმედებებში ადამიანთა გარდაცვალების შემთხვევათა ზრდის გამო. მისი თქმით, რუსეთი კოლექტიური უსაფრთხოების ორგანიზაციის ფარგლებში შეასრულებს ყველა ნაკისრ ვალდებულებას, სომხეთს კი ამ საკითხთან დაკავშირებით კითხვები არ გააჩნია.

“მოგეხსენებათ, რომ სომხეთი გახლავთ კოლექტიური უსაფრთხოების ორგანიზაციის წევრი. ჩვენ აღნიშნული ხელშეკრულების ფარგლებში გვაქვს ვალდებულება სომხეთის წინაშე. საომარი მოქმედებები, რომელიც ჩვენდა სამწუხაროდ აქტიურად გრძელდება ჯერ კიდევ, არ მიმდინარეობს სომხეთის ტერიტორიაზე. რაც შეეხება რუსეთის მიერ ხელშეკრულებით ნაკისრი ვალდებულებების შესრულებას ამ შეთანხმების ფარგლებში, ჩვენ ყოველთვის ვიცავდით შეთანხმების პირობებს, ვიცავთ და დავიცავთ , შევასრულებთ ჩვენს ნაკისრ ვალდებულებს“- განაცხადა პუტინმა.

„ჩვენ ვიმედოვნებთ, რომ უახლოეს მომავალში აღნიშნული კონფლიქტი დასრულდება, მაგრამ თუ იგი საბოლოოდ ვერ მოგვარდება, რაც ძალზე შორს არსებული პროცესია, ჩვენ დავრჩებით ჩვენს პოზიციაზე და მოვუწოდებთ დაპირისპირებულ მხარეებს შეწყვიტონ ცეცხლი“- განაცხადა პუტინმა.